કાનાની વાસળી વાગતી રહી ને હું તો રાતોની રાતો સૈ જાગી
હું તો મંજીરે મંજીરે વાગી.....
મોરનાંપીછાને બધે જોયા કરું ને એના રંગોને આંખો થી પીઉં
કેડના કંદોરા ના ભણકારા
વાગે ખુદ મારાથી ભડકીને બીઉં
રૂવાડે રૂવાડે સૂરો રેલાણા મને કાનાની લગની રે લાગી
હું તો મંજીરે મંજીરે વાગી....
ઝણઝણ થઈ વાગી છું આવી ને કોઈ મારા ભીતરથી છેડે છે ગીતો
એકલી અટુલી હવે રોયાં કરું છું મને કોરે છે મેવાડી
ભીંતો
ઘેલા છે લોકો હું ગિરિધર ને ચાહું ને લોકો ને લાગુ વૈરાગી
હું તો મંજીરે મંજીરે વાગી....
પીયૂષ ચાવડા
Khub sundar...
ReplyDelete